काठमाडौं, चैत २५ । प्रधानमन्त्री पुष्पकमल दाहालले राजनीतिक उतारचढावका कारण सरकारको नेतृत्व लिएको एक सय दिन पनि काम गर्न नसकेको स्वीकार गरेका छन् । गोरखा अस्पतालको स्वर्ण जयन्ती समारोहमा सहभागी हुन शुक्रबार गोरखा आएका उनले विकाससँगै सरकारका अन्य कामलाई पनि तीव्रता दिने आश्वासन दिए ।
‘सरकारको सय दिन राजनीतिक उतारचढावले भरिएको थियो,’ उनले नेपाली काँग्रेससँगको गठबन्धनको बारेमा भने, ‘तर जहाँ जानुपर्ने थियो, त्यहाँ पुग्यो यो हामी सबैका लागि खुसीको कुरा हो ।
उनले आफू गोरखाबाट निर्वाचित भएर प्रधानमन्त्री भएकाले गोरखाको विकासका लागि सक्दो प्रयास गर्ने बताए । गोरखाका प्रमुख जिल्ला अधिकारी दिनेशसागर भुसालले जिल्लाका समस्याबारे प्रधानमन्त्रीलाई जानकारी गराएका थिए ।
उनले जिल्लाका कतिपय विकास आयोजना वर्षौंदेखि अलपत्र परेको बताए । ‘गोर्खाको प्राकृतिक स्रोतको दोहनको समस्यालाई कडा कानुन बनाएर नियन्त्रण गर्नुपर्छ,’ उनले भने । उनले विपद् व्यवस्थापनमा प्रदेशको भूमिकालाई सक्रिय बनाउन प्रधानमन्त्रीलाई आग्रह पनि गरे ।
Published Date: 08 April 2023
