काठमाडौं, चैत १९ । राष्ट्रिय स्वतन्त्र पार्टीका अध्यक्ष एवं पूर्वगृहमन्त्री रवि लामिछानेलाई राहदानी दुरुपयोग गरेको अभियोगमा कारबाही गर्न माग गर्दै सर्वोच्च अदालतमा रिट दायर भएको छ ।
सिन्धुलीका युवराज पौडेलले लामिछानेलाई कारबाही गर्न सर्वोच्चलाई आग्रह गर्दै आइतबार सर्वोच्चमा रिट दायर गरेका हुन् । प्रहरीले अनुसन्धानपछि लामिछानेलाई कारबाही नगरेको र सरकारी वकिलको कार्यालयले पनि राहदानी दुरुपयोगमा उपयुक्त कदम नचालेकाले लामिछानेविरुद्ध मुद्दा चलाउने निर्णय गरेको पौडेलले बताए ।
रिटमा महान्यायाधिवक्ताको कार्यालयलाई प्रतिवादी बनाइएको छ । रवि लामिछाने २०१४ फेब्रुअरी २१ मा अमेरिकी नागरिक बनेका थिए। अमेरिकी राहदानी र अमेरिकी नागरिक भएर पनि उनले २०१५ मे २७ मा नेपाली राहदानी लिएका थिए।
पौडेलले आफ्नो रिटमा नेपालमा दोहोरो नागरिकताको व्यवस्था नभएको र विदेशी नागरिकता लिएपछि नेपाली नागरिकता स्वतः खारेज हुने तर्क गरेका छन् । महान्यायाधिवक्ताको कार्यालयले २०२३ चैत २० गते लामिछानेविरुद्ध मुद्दा दायर नगर्ने निर्णय गरेपछि निवेदकले मुद्दा सर्वोच्च अदालतमा लगेका थिए ।
Published Date: 02 April 2023
