काठमाडौं, चैत १६ । नेपाली सेना र अमेरिकी सेनाबीच द्विपक्षीय वार्ताको चौथो संस्करण बुधबार सम्पन्न भएको छ ।
नेपाली सेनाको जनसम्पर्क तथा सूचना निर्देशनालयका अनुसार चैत ११ गतेदेखि भएको द्विपक्षीय वार्तामा मानवीय सहायता तथा विपद् राहत, शान्ति कार्य, तालिम र विपद् व्यवस्थापन क्षमता विस्तारमा सहयोगलाई निरन्तरता दिने विषयमा केन्द्रित रहेको नेपाली सेनाको जनसम्पर्क तथा सूचना निर्देशनालयले जनाएको छ ।
नेपाली सेनाको तर्फबाट मेजर जनरल अशोकराज सिग्देल र अमेरिकी सेनाका तर्फबाट एसिया प्यासिफिक कमाण्डका उपप्रमुख मेजर जनरल क्रिस्टोफर स्मिथको नेतृत्वमा भएको उक्त संवादमा नेपाली सेनाको तर्फबाट मेजर जनरल अशोकराज सिग्देलले नेतृत्व गरेका थिए ।
वार्तामा नेपाली टोलीमा परराष्ट्र, अर्थ मन्त्रालय र रक्षा मन्त्रालयका प्रतिनिधि र अमेरिकी टोलीबाट २२ प्रतिनिधि सहभागी थिए ।
यसैबीच अमेरिकी टोलीका नेता स्मिथले प्रधानसेनापति प्रभुराम शर्मासँग भेट गरेका छन् । नेपाली सेनाले एक विज्ञप्ति जारी गर्दै त्यस्ता संवादले नेपाल र अमेरिकाबीचको सुमधुर द्विपक्षीय सम्बन्धलाई मजबुत बनाउन मद्दत पुग्ने बताएको छ ।
