अभिनेता आर्यन सिग्देलको चलचित्र ‘डिसेम्बर फल्स’ शुक्रवारबाट देशैभर प्रदर्शन भएको छ ।
देशभरका मल्टीप्लेक्समा सुखद् शोज पाएको फिल्मले सिंगल थिएटर लगभग अधिकांश कब्जा गरेको छ । रिलिजपूर्व गीत-संगीत, टिजर-ट्रेलरले निर्माण गरेको हाइप, आर्यन सिग्देल र उपासना सिंह ठकुरी जस्ता कलाकारको अभिनय रहेका कारण फिल्मको इनिसियल व्यापार सुखद् हुने प्रक्षेपण गरिएको छ ।
रामप्रसाद रिजालद्वारा निर्मित फिल्ममा सलोन बस्नेत, नरेश भट्टराई, सुमन थापा, शिशिर राणा, गीता अधिकारी, नागेन्द्र रिजाल, जयना कुँवर, सुमन थापा, सुमिन गुरुङ, किशन सुनुवारलगायतको पनि अभिनय छ । रिजाल एन्ड रिजाल प्रोडक्सनको ब्यानरमा निर्माण भएको फिल्मको कार्यकारी निर्माता लक्ष्मण रिजाल र असिम काफ्ले हुन् भने निर्मातामा रामप्रसाद र राजकुमार भट्ट छन् ।
यस फिल्मलाई श्रीराम बालाजी फिल्मस्ले देशभर वितरण गरेको छ ।
Published Date: 30 December 2022
