काठमाडौँ, चैत १२ । आइतबार नेप्से २६.८७ अंक घटेर १८८८.२७ विन्दुमा झरेको छ। यस अघि गत पुस ७ गते नेप्से १८६७.२१ विन्दुमा थियो। आइतबारको बन्द विन्दु त्यसयताकै न्यून विन्दु हो।
सेन्सेटिभ इण्डेक्स ५.०१ अंक घटेको छ भने फ्लोट इण्डेक्स १.९८ अंक घटेको छ भने सेन्सेटिभ फ्लोट इण्डेक्स १.९५ अंक घटेको छ।
आइतबार २५९ स्टकको ३२ हजार १६८ पटकको कारोबारमा १ अर्ब २८ करोड ९३ लाख रुपैयाँ बराबरको ३७ लाख ५४ हजार कित्ता शेयर खरिदबिक्री भएको छ। अघिल्लो कारोबार दिन अर्थात गत बिहीबार, नेप्सेमा १ अर्ब ४१ करोडको शेयर कारोबार भएको थियो।
आइतबार १३ वटै उपसमूहको परिसूचक घटेको छ। जसमध्ये म्युचुअल फण्ड उपसमूहको परिसूचक सर्वाधिक ४.७७ प्रतिशत घटेको छ। त्यसैगरी, लघुवित्त उपसमूहको परिसूचक ३.८४ प्रतिशत घटेको छ भने उत्पादन तथा प्रशोधन र व्यापार उपसमूहको परिसूचक २ प्रतिशतभन्दा बढी घटेको छ। यस दिन बैंकिङ्ग, विकास बैंक, वित्त र निर्जीवन बीमा उपसमूहको परिसूचक १ प्रतिशतभन्दा बढी घटेको छ।
