काठमाडौँ, चैत १० । सरकारले नेपाल प्रहरीको नयाँ महानिरीक्षक (आईजीपी) मा वसन्तबहादुर कुँवरलाई नियुक्त गरेको छ । प्रहरी महानिरीक्षक धिरजप्रताप सिंहले आज अवकाश पाएपछि कुँवरलाई नयाँ आईजीपीमा नियुक्त गरेको छ। शुक्रबार दिउँसो ४ बजे बसेको मन्त्रिपरिषद्को बैठकले यस्तो निर्णय गरेको हो ।
मन्त्रिपरिषद्को शुक्रबार बसेको बैठकले हालै डीआईजीबाट बढुवा भएका पाँच एआइजीमध्ये पहिलो नम्बरमा रहेका कुँवरलाई नेपाल प्रहरीको महानिरीक्षकमा नियुक्त गरेको हो ।
कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्य हालै डीआईजीबाट एआईजीमा बढुवा भएका उच्च प्रहरी अधिकृत हुन् । यी सबै नेपाल प्रहरीको महानिरीक्षक पदका दावेदार थिए ।
आइजीपी सिंहसँगै पूर्वएआइजी सहकुलबहादुर थापा, उत्तम सुवेदी र दिवेश लोहनी पनि आजदेखि अवकाश लिँदैछन्, नवनियुक्त पाँच एआईजीमध्येबाट आईजीपी बनाइएको छ ।
