महेन्द्रनगर, चैत १० । कञ्चनपुरको पुनर्वास नगरपालिका–१० भीमबस्तीकी ३२ वर्षीया कलशा सार्कीको शुक्रबार बाघको आक्रमणबाट मृत्यु भएको छ ।
भारतीय दुधवा राष्ट्रिय निकुञ्जमा घाँस काट्ने क्रममा बाघको आक्रमणबाट सार्कीको घटनास्थलमै मृत्यु भएको इलाका प्रहरी कार्यालय त्रिभुवन बस्तीका प्रमुख प्रहरी निरीक्षक नरेशराज मल्लले जानकारी दिए ।
एसएसबी क्याम्प नं ८ देखि करिब डेढ किलोमिटरको जङ्गलमा घाँस लिन गएका यहाँका सात–आठ महिला सार्कीलाई बाघले आक्रमण गरेको प्रहरी निरीक्षक मल्लले बताए ।
अन्य महिला भने सकुशल रहेको प्रहरीले जनाएको छ । भारतीय प्रहरीले आवश्यक प्रक्रिया पूरा गरेपछि शव नेपाल प्रहरीलाई बुझाइने इन्स्पेक्टर मल्लले बताए । ‘शव पोष्टमार्टमका लागि आज बेलौरी प्राथमिक स्वास्थ्य केन्द्र लैजाने तयारी छ,’ उनले भने ।
यो खबर पढेर तपाईलाई कस्तो महसुस भयो ?
+1
+1
+1
+1
+1
