काठमाडौं, चैत १० । वरिष्ठ रेडियो पत्रकार कृष्ण ताम्राकारको निधन भएको छ । स्वास्थ्यमा समस्या देखिएपछि केही दिनदेखि अन्नपूर्ण न्यूरो अस्पतालमा उपचाररत ८६ वर्षीय ताम्राकारको बिहीबार राति १० बजे निधन भएको हो ।
उनलाई निमोनिया भएपछि अस्पताल भर्ना गरिएको थियो । उनले लामो समय रेडियो नेपालमा न्यूज एन्करको रुपमा काम गरेकी थिइन् । उनले विसं २०१८ देखि रेडियो नेपालमा काम गरेकी थिइन् । उनले सुरुवाती समयमा हिन्दी र पछि नेपाली भाषा र नेपाल भाषामा समाचार पढ्थिन् ।
ताम्राकारले करिब ६० वर्ष रेडियोमा काम गरे । तर २०४९ सालमा रेडियो नेपालबाट अवकाश लिइन् । त्यतिबेला पनि उनी सञ्चारमा सक्रिय थिइन् ।