काठमाडौँ, चैत ६ । मध्य अफ्रिकी गणतन्त्रमा आइतबार सशस्त्र व्यक्तिहरूले चिनियाँ सञ्चालित सुन खानी स्थलमा आक्रमण गर्दा कम्तीमा नौ चिनियाँ नागरिकको मृत्यु हुनुको साथै अन्य दुई जना घाइते भएका छन्।
एएफपीका अनुसार बाम्बारीका मेयर अबेल माचीपाटाले भने, “हामीले नौ शव र दुईजना घाइतेको गणना गरेका छौं।”
माचीपाटाले आफ्नो सहरबाट २५ किलोमिटर (लगभग १६ माइल) टाढा रहेको गोल्ड कोस्ट ग्रुपद्वारा सञ्चालित साइटमा मारिनेहरू चिनियाँ कामदार भएको पुष्टि गरे। श्रमिकहरुको शव राजधानी बान्गुई लगिएको बताइएको छ ।
आक्रमण स्थानीय समय अनुसार बिहान ५ बजे सुरु भएको थियो जब बन्दुकधारीहरूले साइटका गार्डहरूलाई ओभरवेर गरे र फायरिङ गरे।
स्थानीय प्रशासनले आक्रमणकारीको खोजी भइरहेको जनाएको छ । चिनियाँ दूतावासले भने आक्रमणबारे अहिलेसम्म कुनै प्रतिक्रिया दिएको छैन।
यो खबर पढेर तपाईलाई कस्तो महसुस भयो ?
+1
+1
+1
+1
+1
