चितवन, चैत ५ । चितवनको कालिका नगरपालिका–७ स्थित पदमपुर सामुदायिक वन नजिकैको संरक्षित वन क्षेत्रमा रोयल बेङ्गाल बाघ मृत फेला परेको छ ।
शनिबार दिउँसो लोपोन्मुख रोयल बेङ्गाल बाघ मृत अवस्थामा फेला परेको डिभिजन वन कार्यालय चितवनका सूचना अधिकारी बालकृष्ण खनालले जानकारी दिए ।
करिब ६ वर्षको बाघको विष सेवनबाट मृत्यु भएको हुन सक्ने कार्यालयले अनुमान गरेको छ । यो वर्ष चितवनको राष्ट्रिय वन क्षेत्रमा बाघको मृत्यु भएको यो पहिलो घटना हो । गत वर्ष जिल्लामा एउटा पनि बाघको मृत्यु भएको थिएन । जिल्लाको राष्ट्रिय वनमा बाघको संख्या १२ देखि १४ सम्म रहेको अनुमान छ ।