काठमाडौं, चैत्र २ । भारतको राजधानी नयाँ दिल्लीमा शुक्रबारदेखि सुरु आईबीए महिला विश्व बक्सिङ च्याम्पियनशिप – २०२३ मा नेपालकी अन्जली तेलीले विजयी सुरुआत गरेकी छन् । अन्जलीले महिला ५२ केजी तौल समुहमा डोमीनिकन रिपब्लिककी मुक्केवाज हेर्नान्डेज गा्रसिया मेगुईनालाई पराजित गरिन् ।
त्यसैगरि मार्च १७ तारिखमा नेपालकी संगीता सुनार ६० के.जीतौल समुहमा अस्ट्रोलियाका मुक्रकेवाज स्कानलोन डानियली संग र सोहीदिन नेपालकी सरस्वती राना ले सर्वियाको खेलाडी गाजिकनिकोलिना संग ७० के.जीतौल समुहमा प्रतिस्पर्धा गर्ने छन् ।
मार्च १८ तारिखमा नेपालकीे सुष्मा तामाङ्गले ४८ के.जी तौल समुहमा विश्वको दोश्रो वरियाताकी खेलाडी बुल्गेरियाकी असिनोभा सेम्डा युलियानोभा संग प्रतिस्पर्धा हुने भएको छ । त्यसै दिन नेपालकी मिनु गुरुङ्गले ५४ के.जी तौल समुहमा थाइलयाण्का खेलाडी जिपोङ्ग जुतामास संग खेल्नेछन् ।
मार्च १९ तारिखमा नेपालकी अस्मीता दुवालले ५० के.जीतौल समुहमा बोत्स्वानाकी खेलाडी मोडुकानेली लेथावो बोकामोसो संग र ५७ के.जी तौल समुहमा नेपालकी चन्द्काला थापाले भेनेजोयलाकी अल्काला ओमिलिपन संग राउण्ड ३२ को खेल खेल्नेछन् ।
Published Date: 16 March 2023
