काठमाडौं,फागुन २६ । शहीद स्मारक ए डिभिजन लिगमा चर्च ब्वाइज युनाईटेडले लगातार तेस्रो जित निकालेको छ ।
शुक्रबार दशरथ रंगशालामा भएको लिग अन्तर्गतको खेलमा चर्च ब्वाइजले हिमालयन शेर्पा क्लबलाई १-० ले हरादै लगातार तेस्रो जित निकालेको हो।
चर्च ब्वाइजका लागि आशिष चौधरीले खेलको २० औं मिनेटमा गरेको गोल नै चर्च ब्वाइजलाई ३ अंक दिलाउन निर्णायक बन्यो ।
जितपछि ९ अंक जोडेर चर्च ब्वाइज शीर्ष स्थानमा छ ।
