सिराहा, फागुन २३ । सिराहाको लहान नगरपालिका–८ का वडाध्यक्ष श्याम साहले रु दुई करोडको दुई कठ्ठा जग्गा दान गरेका छन् । उनले लहान–७ स्थित टाउन प्लानिङमा रहेको सोनार समाजको गेस्ट हाउस निर्माणका लागि जग्गा दान गरेका हुन् ।
सोनार समाजले आयोजना गरेको होली मिलन कार्यक्रममा जग्गाधनी वडा अध्यक्ष साह र उनकी आमा फुलोदेवीलाई सम्मान गरिएको थियो । वडाध्यक्ष साहले सो जग्गा सोनार सेवा सदन समितिलाई हस्तान्तरण गरेको समाजका जिल्ला अध्यक्ष जयप्रकाश साहले बताए ।
‘गाउँको विकासका लागि जग्गा दान गरेको छु,’ वडाध्यक्ष साहले भने, ‘अब भवन निर्माणमा पनि सहयोग गर्छु ।
