सुनसरी, फागुन २३ । सुनसरीको रामधुनी नगरपालिका–१ झुम्का बजारमा गए राति सिटी सफारीको ठक्करबाट एक जनाको मृत्यु भएको छ ।
मृत्यु हुनेमा रामधुनी–५ का ५९ वर्षीय भक्तबहादुर कार्की रहेको जिल्ला प्रहरी कार्यालय सुनसरीका प्रहरी नायब उपरीक्षक राजकुमार राईले जानकारी दिए । पूर्वबाट पश्चिमतर्फ जाँदै गरेको को २ एच ३८७७ नम्बरको सिटी सफारीले पैदलयात्री कार्कीलाई ठक्कर दिएको थियो ।
कार्कीको उपचारका क्रममा मृत्यु भएको र सफारी चालक तहरी–५ का ३५ वर्षीय सुरेश चौधरीलाई नियन्त्रणमा लिएको प्रहरीले जनाएको छ ।
