काठमाडौं, फागुन १७ । नेपाली राष्ट्रिय क्रिकेट टोलीका पूर्व कप्तान सन्दीप लामिछाने युएई, पपुवा न्युगिनी र नेपालबीच हुने आइसिसी विश्वकप लिग–२ अन्तर्गत भोलि हुने खेलका लागि युएई प्रस्थान गरेका छन् । यसअघि नेपाल क्रिकेट संघ (क्यान)ले लामिछानेलाई आज साँझसम्म युएई पठाउने तयारी गरेको थियो ।
उच्च अदालत पाटनले २० लाख धरौटीमा रिहा गर्दै लामिछानेलाई देशबाहिर जान रोक लगाएपछि शनिबार टोलीसँगै जान पाएनन् । तर सोमबार सर्वोच्च अदालतका न्यायाधीश सपना प्रधान मल्ल र कुमार चुडालको संयुक्त इजलासले पाटन उच्च अदालतको धरौटीको आदेशलाई सदर गर्दै लामिछानेलाई खेल खेल्न विदेश जान अनुमति दिएको हो ।
नेपालले हिजो भएको सिरिजमा पपुवा न्युगिनीलाई पराजित गरेको थियो । आईसीसी विश्वकप लिग–२ का आठ खेलमध्ये बाँकी चार खेल नेपालमा हुनेछन् ।
Published Date: 01 March 2023
