प्रधानमन्त्री दाहालद्वारा माओवादी जनयुद्धका ‘शहीद’लाई राष्ट्रिय शहीद घोषणा गर्ने प्रतिबद्धता

प्रधानमन्त्री दाहालद्वारा माओवादी जनयुद्धका ‘शहीद’लाई राष्ट्रिय शहीद घोषणा गर्ने प्रतिबद्धता : Icon Khabar

काठमाडौं, फागुन १४ । प्रधानमन्त्री पुष्पकमल दाहालले माओवादी जनयुद्धका ‘शहीद’लाई राष्ट्रिय शहीद घोषणा गर्ने प्रतिबद्धता व्यक्त गरेका छन् । प्रधानमन्त्री निवास बालुवाटारमा आज माओवादी जनयुद्धका ‘शहीद तथा बेपत्ता योद्धा’का परिवारसँगको कुराकानीमा उनले नेपालको राजनीतिक परिवर्तनमा विशिष्ट योगदान पुर्‍याउने सहिदलाई उच्च सम्मानका साथ राष्ट्रिय घोषणा गर्ने तयारी भइरहेको बताए ।

प्रधानमन्त्री दाहालले भने, ‘जनयुद्धमा पहिलो बलिदान दिने शहीद दिलबहादुर रामतेलको आज स्मृति दिवस पनि हो, झापा विद्रोह, जनआन्दोलन र सन् २००७ को क्रान्तिदेखिको जनयुद्धका शहीदहरू हाम्रा राष्ट्रिय गौरव हुन्, उहाँहरूलाई सम्मान गर्नुपर्छ । उच्च सम्मान, त्यसैले वर्तमान सरकारले जनयुद्धलगायत सबै आन्दोलनका शहीदहरूलाई राष्ट्रिय शहीद घोषणा गर्ने तयारी गरेको छ ।”

सत्य निरुपण तथा मेलमिलाप विधेयक अन्तिम चरणमा पुगेको जानकारी दिँदै प्रधानमन्त्री दाहालले शान्ति प्रक्रियाको बाँकी काम छिट्टै टुङ्गिने बताए । उनले भने, ‘संक्रमणकालीन न्यायको सिद्धान्तका आधारमा सत्य निरुपण तथा मेलमिलाप विधेयक अगाडि बढाइएको छ । शान्ति प्रक्रिया छिट्टै टुङ्गिन्छ । जनयुद्धका शहीदहरूलाई सम्मान, परिवारको भरणपोषण र छोराछोरीलाई शिक्षा दिने कानुन बनाएर गरिने छ । यसका लागि विधेयक महत्त्वपूर्ण छ।”

Published Date: 26 February 2023
Website | + posts




ताजा
सुन र चाँदीको मूल्यमा भारी गिरावट, एकैदिन सुन तोलामा ६ हजार ३०० रुपैयाँले घट्यो
‘वाक ग्रिन, किप इट क्लिन’ नारासहित बोकाचो गढीमा मिस्टर एण्ड मिस मोडर्नको पदयात्रा
आजदेखि काठमाडौं उपत्यकाका तीन जिल्लामा पशु वधशाला तथा मासु जाँच ऐन लागू
फाइनल यात्राका लागि लुम्बिनी र सुदूरपश्चिमबीच महासंग्राम, पहिलो क्वालिफायरमा कसले मार्ला बाजी?


ट्रेन्डिङ
एउटै उपत्यका, तिहार मनाउने फरक–फरक मिति : भक्तपुर, काठमाडौं र ललितपुरमै किन मिलेन पर्वको साइत ?
भक्तपुरमा कार्तिक २२ गते लक्ष्मी पूजा, २३ गते म्हः पूजा र २४ गते किजा पूजा मनाइने
भिन्तुनाको नाममा विकृति कि उत्सव? टौमढीमा पटाका पड्किएपछि प्रशासनमाथि प्रश्नैप्रश्न
अनुशासन, आत्मनिर्भरता र सेवाभाव सिकाउँदै ककनीमा दोस्रो स्काउट फ्रेन्डसिप क्याम्प सम्पन्न