काठमाडौं, फागुन १२ । बैंक तथा वित्तीय संस्थाहरु अब आकस्मिक बिदाका दिन पनि सञ्चालन हुने भएका छन् । राष्ट्र बैंकले एकीकृत निर्देशन २०७९ मा संसोधन तथा परिमार्जन र थप व्यवस्था जारी गर्दै सरकारले आकस्मिक बिदाका दिनमा बैंकिङ्ग सेवा सुचारु गर्न बैंक तथा वित्तीय संस्थाहरुलाई निर्देशन दिएको हो ।
निर्देशन अनुसार राष्ट्र बैंकबाट जारी भएको बैंक बिदाको सूचीबाहेक सरकारबाट आकस्मिक बिदा घोषणा भएको दिन नगद कारोबार, चेक क्लियरिङ, आरटिजिएसलगायत अत्यावश्यक बैंकिङ सेवा प्रदान गर्न विहान १० देखि दिउँसो १:३० बजेसम्म आवश्यक विभाग तथा कार्यालय खुला राखी सेवा दिनुपर्ने जनाएको छ ।
.
