काठमाडौं, फागुन ११ । एजेन्सी – सुरुवाती अग्रता जोगाउन नसक्दा इंग्लिस क्लब म्यानचेस्टर सिटी युइएफए च्याम्पियन्स लिग अन्तरगत प्रि–क्वाटरफाइनलको पहिलो लेगमा जर्मन क्लब आरबी लाइप्जिगसँग बराबरीमा रोकिएको छ ।
सिटी घरेलु टोली लाइप्जिगसँग १–१ गोलको बराबरीमा रोकिएको हो । सिटीका रियाद महारेजले गोल गर्दा घरेलु टोली लाइप्जिगका जोस्को जिभार्डीओलले बराबरी गोल फर्काए ।
सिटीका लागि रियाद महारेजले २७औं मिनेटमा इल्केइ गुन्डोगानको पासमा गोल गरेका थिए । दोस्रो हाफमा सुधाएिको प्रदर्शन गरेको लेइपजिगले ७०औं मिनेटमा बराबरी गोल फर्कायो ।
बराबरीसँगै दुवै टोलीले क्वार्टरफाइनलमा पुग्ने सम्भावना कायम राखेका छन् । दोस्रो लेग मार्च १५ तारिख सिटीको मैदानमा हुनेछ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
