भक्तपुर, चैत २५ । भक्तपुर नगरपालिका–१०, कमलविनायक, क्वाठण्डौ क्षेत्रमा अवस्थित माउन्ट भ्याली स्कूलले करिब चार दशक लामो शैक्षिक यात्रामा गुणस्तरीय शिक्षा र समग्र विकासलाई प्राथमिकतामा राख्दै आफूलाई स्थापित शैक्षिक संस्थाका रूपमा उभ्याएको छ। विसं २०४४ सालमा स्थापना भएको यस विद्यालयले सुलभ शुल्क संरचनासहित व्यवहारिक, जीवनोपयोगी तथा आधुनिक शिक्षामा जोड दिँदै आएको छ।
स्थापनाकालदेखि नै विद्यालयले विद्यार्थीको बौद्धिक, शारीरिक, भावनात्मक तथा नैतिक विकासलाई केन्द्रमा राख्दै शिक्षण सिकाइ प्रक्रिया सञ्चालन गर्दै आएको छ। विद्यालयले “भविष्य उन्मुख शिक्षा” को अवधारणालाई आत्मसात गर्दै विद्यार्थीलाई प्रतिस्पर्धात्मक, जिम्मेवार र सिर्जनशील नागरिकका रूपमा तयार पार्ने लक्ष्य लिएको छ।
विद्यालयकी संस्थापक अध्यक्ष रेनुका गुरुङका अनुसार, माउन्ट भ्याली स्कूलले स्थानीय तहमा मात्र नभई व्यापक रूपमा गुणस्तरीय शिक्षाको पहिचान स्थापित गरेको छ। “हामी विद्यार्थीलाई पाठ्यपुस्तकमा सीमित नराखी जीवनोपयोगी सीप, अनुशासन र सामाजिक मूल्यसँग जोडेर शिक्षित बनाउनेतर्फ केन्द्रित छौँ,” उनले बताइन्।
प्रिन्सिपल प्रभात राज राईका अनुसार विद्यालयमा दक्ष, अनुभवी तथा प्रशिक्षित शिक्षकहरूको टोलीमार्फत आधुनिक तथा विद्यार्थीकेन्द्रित शिक्षण पद्धति अवलम्बन गरिएको छ। “हामीले बालमैत्री वातावरण, प्रविधिमैत्री कक्षा, र सिकाइमा सक्रिय सहभागितालाई प्राथमिकता दिएका छौँ,” उनले भने।
अन्तरसंस्थागत सहकार्यमा जोड
माउन्ट भ्याली स्कूलले गुणस्तरीय शिक्षालाई अझ सुदृढ बनाउन विभिन्न शैक्षिक तथा सामाजिक संस्थासँग सहकार्य गर्दै आएको छ। विद्यालयले राष्ट्रिय तथा अन्तर्राष्ट्रिय स्तरका शैक्षिक अवधारणा, तालिम तथा कार्यक्रमहरूसँग सहकार्य गरी शिक्षकको क्षमता अभिवृद्धि, विद्यार्थीको सिकाइ अनुभव विस्तार तथा नयाँ शिक्षण प्रविधिको प्रयोगलाई प्रवर्द्धन गरिरहेको छ।
यस्ता सहकार्यले विद्यालयलाई समयानुकूल शिक्षण पद्धति अपनाउन, विद्यार्थीलाई फराकिलो एक्सपोजर दिन र विश्वस्तरीय अभ्याससँग परिचित गराउन महत्वपूर्ण भूमिका खेलेको विद्यालय प्रशासनको भनाइ छ। साथै, समुदायसँगको सहकार्यमार्फत विद्यालयले सामाजिक उत्तरदायित्वका कार्यक्रमहरू समेत सञ्चालन गर्दै आएको छ।
अतिरिक्त क्रियाकलाप र उपलब्धि
विद्यालयमा नियमित शैक्षिक कार्यक्रमसँगै अतिरिक्त क्रियाकलापहरूलाई पनि समान प्राथमिकता दिइएको छ। ह्यान्डराइटिङ कक्षा, कराते, तेक्वान्दो, कला तथा सिर्जनात्मक गतिविधि, स्काउट तथा कब–ब्राउनी जस्ता कार्यक्रममार्फत विद्यार्थीको सर्वाङ्गीण विकासमा टेवा पुर्याइँदै आएको छ।
यस्तै, विद्यालयले अन्तरविद्यालय तथा जिल्लास्तरीय प्रतियोगिताहरूमा उल्लेखनीय सफलता हासिल गर्दै आएको छ। लोकनृत्य, चित्रकला, वक्तृत्वकला, निबन्ध लेखनलगायतका विधामा विद्यार्थीले उत्कृष्ट नतिजा हासिल गर्दै आएका छन्।
प्रविधिमैत्री शिक्षा र पूर्वाधार
समयानुकूल शिक्षण पद्धतिलाई अंगीकार गर्दै विद्यालयले डिजिटल प्रविधिको प्रयोगलाई प्राथमिकता दिएको छ। ई-लाइब्रेरी, डिजिटल सामग्री तथा आधुनिक कक्षाकोठामार्फत विद्यार्थीलाई प्रभावकारी र अन्तरक्रियात्मक सिकाइ अनुभव प्रदान गरिँदै आएको छ।
साथै, विद्यालयले सरसफाइयुक्त, सुरक्षित र बालमैत्री वातावरण सुनिश्चित गर्दै विद्यार्थीको स्वास्थ्य र मनोवैज्ञानिक सन्तुलनमा समेत ध्यान दिएको जनाएको छ।
गुणस्तरीय शिक्षा, अनुशासन, प्रविधिमैत्री शिक्षण प्रणाली र अन्तरसंस्थागत सहकार्यलाई समेट्दै माउन्ट भ्याली स्कूल भक्तपुर क्षेत्रका अभिभावकहरूको रोजाइमा पर्ने विद्यालयका रूपमा विकसित हुँदै गएको देखिन्छ। विद्यालयले आगामी दिनमा अझ प्रभावकारी शिक्षा प्रणालीमार्फत विद्यार्थीलाई राष्ट्रिय तथा अन्तर्राष्ट्रिय स्तरमा प्रतिस्पर्धा गर्न सक्षम बनाउने लक्ष्य लिएको छ।
