भक्तपुर, चैत २५ । लागूऔषध नियन्त्रण अभियानअन्तर्गत जिल्ला प्रहरी परिसर भक्तपुरबाट खटिएको टोलीले भक्तपुर नगरपालिका–८ लिवालीबाट ३७ वर्षीय राजु कर्मचार्यलाई पक्राउ गरेको छ।
प्रहरीका अनुसार दुधपाटी घर भई हाल लिवाली बस्दै आएका कर्मचार्यको साथबाट विभिन्न लागूऔषध बरामद गरिएको हो। बरामद सामग्रीमा नोफिन ९६, डाइजेपाम ९८, फेनेरगन ९१ पिस, टेन्टाडोल ५४ चक्की, प्रोमेगन ४० चक्की र भोमिन १० चक्की रहेका छन्।
पक्राउ परेका व्यक्तिलाई प्रहरी वृत्त जगातीमा राखी थप अनुसन्धान भइरहेको प्रहरीले जनाएको छ।
Published Date: 08 April 2026
