काठमाडौँ, फागुन ४ । सोमबार सेयरबजार परिसुचक नेप्सेमा गिरावट आएको छ । आज नेप्से ८.१६ अंकले घटेर २ हजार ६६२.९१ विन्दुमा कायम भएको हो ।
आज सेयरबजारमा कुल ३३५ कम्पनीका सेयर कारोबार भएका छन् । ती मध्ये ८६ कम्पनीका सेयरमूल्य बढेका छन् । १६३ कम्पनीका सेयरमूल्यमा भने गिरावट आएको छ ।आज सेयरबजारमा १ करोड ९६ लाख १६ हजार ३९५ कित्ता सेयर ७ अर्ब ९४ करोड २७ लाख ६० हजार रुपैयाँमा किनबेच भएको छ । कारोबार रकम गत विहीबारको तुलनामा २८.४६ प्रतिशतले कमी हो ।
आज सेयरबजारमा सूचीकृत समूहगत परिसूचकमध्ये वित्त, होटेल तथा पर्यटन र उत्पादनशील समूहका परिसूचक सकारात्मक रहेका छन् । अरु बाँकी सबै समूहका परिसूचकमा गिरावट आएको छ ।सबैभन्दा धेरै जलविद्युत समूहको परिसूचक १.०२ प्रतिशतले घटेको छ । वुद्धभूमि नेपाल हाइड्रोपावर कम्पनी, रिलायन्स् स्पिनिङ मिल्स् तथा साल्पा विकास बैंक लिमिटेडका सेयरधनीले सबैभन्दा बढी कमाएका छन् ।
सबैभन्दा बढी गुमाउनेमा भने खानीखोला हाइड्रोपावर कम्पनी, नारायणी डेभलपमेन्ट बैंक तथा मञ्जुश्री फाइनान्स् लिमिटेडका डिवेञ्चरमा लगानीकर्ता रहेका छन् ।
