काठमाडौं, माघ २७ । काठमाडौंबाट ओखलढुंगातर्फ जाँदै गरेको यात्रुबाहक बस रामेछापमा दुर्घटनाग्रस्त भएको छ। मन्थली नगरपालिका-६ क्षेत्रमा बस तामाकोशी नदीमा खस्दा ठूलो मानवीय क्षति भएको आशंका गरिएको छ। घटनास्थलमा रहेका अनेरास्ववियु रामेछाप संयोजक गोपाल थोकरका अनुसार दुर्घटनापछि केही शव नदीमा बगिरहेको अवस्थामा देखिएका छन्। उनका अनुसार स्थानीय बासिन्दा र सुरक्षाकर्मीहरू तत्काल उद्धार कार्यमा जुटेका छन्।
दुर्घटनाग्रस्त बसको नम्बर र यात्रु संख्या हालसम्म यकिन हुन नसकेको जनाइएको छ। प्रहरीले घटनाबारे थप विवरण संकलन गरिरहेको जनाएको छ। रामेछापका डीएसपीले हाल उद्धार कार्य निरन्तर जारी रहेको जानकारी दिँदै घटनाको विस्तृत विवरण आउन बाँकी रहेको बताएका छन्।
Published Date: 10 February 2026
