काठमाडौँ, माघ २० । सेयरबजार परिसूचक नेप्सेमा दोहोरो अंकको गिरावट आएको छ । मंगलबार नेप्से १२.५८ अंकले घटेर २ हजार ६८३.१५ विन्दुमा कायम भएको हो ।
आज सेयरबजारमा ३२२ कम्पनीका सेयर किनबेच भएको छ । त्यसमध्ये ६६ कम्पनीका सेयरमूल्य बढेका छन् भने १९० कम्पनीका सेयरमूल्यमा भने गिरावट आएको छ ।
आज कुल १ करोड ८७ लाख ३ हजार १८३ कित्ता सेयर ८ अर्ब ६३ करोड १५ लाख १३ हजार रुपैयाँमा किनबेच भएको छ । कारोबार रकम सोमबारको तुलनामा ४१ करोड रुपैयाँले बढी हो । आज सेयरबजारमा सूचीकृत समूहगत परिसूचकमध्ये होटेल तथा पर्यटन, उत्पादनशील तथा म्युचुअल फण्ड समूहको परिसूचकमा सुधार आएको छ ।
वाणिज्य बैंक, विकास बैंक, वित्त, जलविद्युत, लगानी, जीवन बीमा, लघुवित्त, निर्जीवन बीमा, व्यापार तथा अन्य समूहका परिसूचकमा गिरावट आएको छ । कालिञ्चोक दर्शन लिमिटेड, एचएलआई लार्ज क्याप फण्ड तथा मेगा म्युचुअल फण्डका सेयरधनीले सबैभन्दा बढी कमाएका छन् । सबैभन्दा बढी गुमाउनेमा भने सान्भी इनर्जी, पिओर इनर्जी तथा शिवश्री हाइड्रो पावरका सेयरधनी रहेका छन् ।
Published Date: 03 February 2026
