काठमाडौँ, मंसिर २८ । स्थानिय बजारमा सुनको भाउ बढेको छ । आइतबार सुनको मूल्य २ हजार २ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज सुनको कारोबार प्रतितोला २ लाख ५८ हजार ८ सय रुपैयाँ कायम भएको छ ।
गत शुक्रबार भने एक तोला सुनको मूल्य २ लाख ५६ हजार ६ सय रुपैयाँ कायम थियो । उक्त दिन सुनको भाउ ३ हजार ५ सय रुपैयाँले वृद्धि भएको थियो ।
यस्तै आज चाँदीको भाउ भने घटेको छ । चाँदी आज ८० रुपैयाँले सस्तिदै प्रतितोला ३ हजार ८२५ रुपैयाँमा कारोबार भईरहेको छ ।
Published Date: 14 December 2025
