भक्तपुर, कात्तिक ४ । भक्तपुरमा पैसाको हारजित हुने गरी जुवा (कौडा) खेलिरहेको अवस्थामा २७ जना व्यक्तिहरू प्रहरीले नियन्त्रणमा लिएको छ।
जिल्ला प्रहरी परिसर भक्तपुरका अनुसार भक्तपुर नगरपालिका–४ बुल्चास्थित जुवा खेलिँदै गरेको विशेष सूचनाका आधारमा बुधबार राति करिब १२:१५ बजे प्रहरी टोलीले छापा मारेको थियो।
छापामारीका क्रममा २७ जना व्यक्तिलाई पक्राउ गरिएको र उनीहरूको साथबाट १६ वटा कौडा र नगद रु. ९ लाख २३ हजार ९६० रुपैयाँ बरामद गरिएको प्रहरीले जनाएको छ।
पक्राउ परेकाहरूमाथि जिल्ला प्रहरी परिसर भक्तपुरमा थप अनुसन्धान कार्य भइरहेको प्रहरीले जानकारी दिएको छ।
