काठमाडौँ, साउन २९ । नेपाली बजारमा सुनको मूल्य सामान्य बढेको छ । यस दिन सुन प्रतितोला १०० रुपैयाँले बढेको छ ।
नेपाल सुनचाँदी व्यवसायी महासंघका अनुसार, यस दिन छापावाल सुन प्रतितोला एक लाख ९६ हजार ८०० रुपैयाँमा कारोबार भइरहेको छ । अघिल्लो दिन अर्थात बुधबारको बजारमा छापावाल सुन प्रतितोला एक लाख ९६ हजार ७०० रुपैयाँमा कारोबार भएको थियो।
यस दिन चाँदीको मूल्य पनि तोलामा १५ रुपैयाँले बढेको छ । बिहीबारको बजारमा चाँदी प्रतितोला दुई हजार ३४० रुपैयाँमा खरिदबिक्री भइरहेको छ । हिजाे बुधबारको बजारमा चाँदी दुई हजार ३२५ रुपैयाँमा कारोबार भएको थियो ।
Published Date: 14 August 2025
