रुसमा भूकम्प गएपछि सुनामीको लहर तिव्रताका साथ फैलँदै

मस्को, साउन १४ । रुसको कामचटका प्रायद्वीप नजिक आएको ८ दशमलव ८ रेक्टर स्केलको भूकम्पले प्रशान्त क्षेत्रभरि नै सुनामीको खतरा उत्पन्न गराएको छ । यसले रुससहित जापान, हवाई, क्यालिफोर्निया, अलास्का तथा सोलोमन द्वीप जस्ता क्षेत्रमा सुनामीको चेतावनी जारी गरिएको छ ।

कुन–कुन देशमा सुनामीको खतरा ? कहिलेसम्म रहने छ ? सुनामीको लहरहरु विभिन्न स्थानमा पुग्छ अथवा कहिलेसम्म पुग्न सक्छ ? एउटा लिस्टिकलको माध्यमबाट सुनामीको लहर कुन–कुन स्थानमा कहिले र कति समयमा पुग्छ भन्ने कुरा बताइएको छ ।

स्थानिय समय अनुसार बुधवार बिहान ४ः५५ बजे ८ दशमलव ८ रेक्टर स्केलको भूकम्प रुसको कामचटका प्रायद्वीपको पूर्वी तटबाट १२६ किलोमिटर टाढा समुद्रमा आएको हो ।

यसको गहिराई केवल १९ दशमलव ३ किलोमिटर थियो । यहि कारणले समुद्रको तल्लो भाग हल्लिएको थियो । सुनामीको लहर उत्पन्न भयो । यो भुकम्प १९५२ पछि आएको सबैभन्दा शक्तिशाली भूकम्पमध्येको एक हो ।

प्रशान्त सुनामी चेतावनी केन्द्रका अनुसार १ देखि ३ मीटर उचाइ लहर हवाई,चिली,जापान र सोलोमन द्वीपको केहि तटीय क्षेत्रमा पुग्न सक्छ भने रुस र इक्वाडोरको केहि भागमा ३ मीटरभन्दा बढी लम्बाईमा लहर पुग्न सक्ने सम्भावना रहेको छ ।

सुनामीको लहर प्रशान्त महासागरमा तिव्रताका साथ फैलिरहेको छ, जसले विभिन्न देशको तटीय क्षेत्रमा खतरा उत्पन्न भएको छ ।