काठमाडौं, साउन ४ । काठमाडौंको सुन्धारामा अवस्थित नेपालको ऐतिहासिक स्तम्भ ‘धरहरा’ लाई गुगल म्यापमा ‘सेतो टावर’ भनेर लेखिएको देखिएको छ ।
आइतवार बिहान गुगल म्यापले धरहरालाई ‘सेतो टावर’ भनेर देखाएपछि सामाजिक सञ्जालमा यस विषयमा जिज्ञासा उत्पन्न भएको छ । धेरैले नेपालको ऐतिहासिक सम्पत्तिको अपमान भएको बताएका छन् भने केहीले यस्तो गल्ती गर्नेहरूलाई छिटोभन्दा छिटो कारवाहीम ल्याउनुपर्ने माग गरेका छन् ।
काठमाडौंको ऐतिहासिक धरहरा क्षेत्रलाई गुगल म्यापमा ‘सेतो टावर’ भनेर उल्लेख गरिएको पाइएको छ। गुगल म्यापमा नेपालको सांस्कृतिक र ऐतिहासिक सम्पदा धरहराको नाम सेतो टावर देखिएपछि सामाजिक सञ्जालमा आलोचना चुलिएको हो ।
प्रसिद्ध पर्यटकीय स्थल धरहरा काठमाडौंको सुनधारामा अवस्थित छ र नेपाली इतिहासमा महत्वपूर्ण स्थान राख्दछ । तर, यसको नाम गलत ढंगले अनुवाद गरिएको देखिएपछि धेरैले आपत्ति जनाएका छन् ।
सामाजिक सञ्जाल प्रयोगकर्ताहरूले गुगल म्यापमा देखिएको नामले नेपालको सांस्कृतिक पहिचानको अपमान भएको बताएका छन् । कतिपयले ‘धरहरा भनेको धरहरै हो, सेतो टावर होइन’ भन्दै यस्ता गलत नामाकरण सच्याउन पर्ने बताएका छन् ।
त्यस्तै केहिले ‘ऐतिहासिक सम्पदाको यस्ता डिजिटल माध्यममा गलत नामले प्रस्तुतिनु गम्भीर विषय हो । भन्दै आक्रोश व्यक्त गरेका छन् । कोहिले त नेपालको ऐतिहासिक सम्पदाको अपमान भएको बताएका बताउँदै यस्तो गल्ती गर्नेहरूलाई छिटोभन्दा छिटो कारबाहीमा ल्याउनुपर्ने माग गरेका छन् ।
तत्कालिन प्रधानमन्त्री भीमसेन थापाद्वारा निर्माण गरिएको महत्वपूर्ण स्मारक हो धरहरा । २०७२ सालको भूकम्पमा धरहरा ढलेपछि पुनर्निर्माण गरिएर अहिले नयाँ स्वरूपमा पुनः निर्माण भएको छ ।
