काठमाडौं, असार २४ । मंगलबार सेयर बजार सूचक ३.६१ अंकले बढेर २६८७.६३ विन्दुमा बन्द भएको छ । आज ६ अर्ब ५७ करोड रुपैयाँ भन्दा बढीको सेयर खरिदबिक्री भएको छ । विगत केही दिनको तुलनामा सेयर कारोबार रकममा भने केही कमी आएको हो ।
आज ३०४ कम्पनीको १ करोड ५० लाखभन्दा बढी कित्ता सेयर कारोबार भएको छ । ५१ करोड ६७ लाख रुपैयाँभन्दा बढीसहित कारोबार रकममा नेपाल रिइन्सुरेन्स कम्पनी अग्रस्थानमा परेको छ ।
यसैगरी, दोस्रो र तेस्रो स्थानमा क्रमशः बुटवल पावर र गार्डियन माइक्रो लाइफ इन्सुरेन्स रहेका छन् ।
