काठमाडौं, असार १७ । भारतीय गायिका नेहा कक्करसँग नेपाली गायक एकदेव लिम्बुको सहकार्य रहेको हिन्दी संस्करणको गीत झिम झिम लाई चार दिनमा नै ११ लाख भन्दा बढी भ्युज प्राप्त गर्न सफल भएको छ ।
हिन्दी र नेपालीको म्यासअपले दुई भाष र कलाकारलाई जोडेको छ । गीतलाई नेहाले हिन्दीमा गाएकी छिन् र एकदेवले नेपाली संस्करण झिमझिमाउने आखालाई नेपाली मै गाएका छन् ।
त्यसै गरि गीतको भिडियोमा रित्भिक साहोर र प्रिया प्रकार वारिअरले अभिनय गरेका छन् । हिन्दी संस्करणको झिम झिममा एकदेव र नेहाको सहकार्यलाई दर्शक श्रोताले धेरै नै मन पराएका छन् ।
