काठमाडौँ, जेठ १८ । सार्वजनिक यातायात व्यवसायीहरुले आज काठमाडौंमा विरोध प्रदर्शन गरेका छन् ।
गण्डकी प्रदेश सरकारले ‘राइड सेयरिङ’लाई मान्यता दिएपछि यातायात व्यवसायीले काठमाडौंको माइतीघरमा प्रदर्शन गरेका हुन् । व्यवसायीको आन्दोलनले अहिले सो स्थानको ट्राफिक व्यवस्थापन अस्तव्यस्त भएको छ ।
सो क्रममा यातायात व्यवसायीले भोलि सोमबारदेखि सार्वजनिक यातायात बन्द गर्ने पनि चेतावनी दिएका छन् । व्यवसायीहरुले विरोध स्वरुप गाडीमा कालो झन्डा राखेका छन् ।
Published Date: 01 June 2025
