काठमाडौँ, जेठ १४ । बुधबार सुनको मूल्यमा गिरावट आएको छ ।
आजको कारोबारमा सुनको मूल्य प्रतितोला १६ सयले घटेको छ । गिरावटसँगै सुनको कारोबार प्रतितोला १ लाख ८९ हजार ३ सय रुपैयाँमा भईरहेको नेपाल सुनचाँदी व्यवसायी महासंघले जनाएको छ ।
अघिल्लो दिन पनि २ सयले घटेको सुनको कारोबार उक्त दिन प्रतितोला १ लाख ९० हजार ९ सयमा भएको थियो ।
आज चाँदीको भाउ भने बढेको छ । अघिल्लो दिन प्रतितोला १ हजार ९९५ रुपैयाँमा कारोबार भएको चाँदी आज १० रुपैयाँले बढ्दै प्रतितोला २ हजार ५ रुपैयाँमा कारोबार भईरहेको छ ।
