भक्तपुर, जेठ ६ । भक्तपुर घरेलु तथा साना उद्योग संघको आयोजनामा यहि जेठ १६ र १७ गते भक्तपुरमा घरेलु उत्पादन मेला हुने भएको छ ।
भक्तपुरको न: पुखु परिसरमा हुन लागेको सो घरेलु मेलाको मुख्य उद्वेश्य भक्तपुरमा रहेका घरेलु उद्योगको संरक्षण तथा पर्यटन प्रवर्द्धन रहेको छ ।
सो मेलामा भक्तपुरका रैथाने उत्पादनहरू काष्ठकला, हस्तकला, ख्वप बजी, जु जु धौँ, घरबुना कपडा बुनााई, माटाका भाडाहरू, धातुकला लगायत अन्य घरेलु उत्पादनका सामानहरु र नेवारी खानाको परिकारहरु पनि उपलब्ध हुनेछ।
उक्त दुई दिन बिहान १० बजेदेखि बेलुका ६ बजेसम्म सो मेला संचालन हुने संघले आइकन खबरलाई जानकारी गराएको छ। मेलालाई सफल बनाउन उद्योग तथा वाणिज्य कार्यालय भक्तपुर र गो लोकलले भूमिका निभाउन लागेको हो।
Published Date: 20 May 2025
