काठमाडौं, वैशाख २ । आइतबार रेकर्ड मूल्यमा प्रवेश गरेको सुनको भाउ आज भने घटेको छ । नेपाल सुन–चाँदी व्यवसायी महासंघका अनुसार मंगलबार छापावाल सुन प्रतितोल १७ सय रुपैयाँले घटेर १ लाख ८४ हजार ३०० रुपैयाँ कायम भएको छ ।
यसअघि आइतबार छापावाल सुन प्रतितोला १ हजार रुपैयाँले बढेर हालसम्मकै उच्च मूल्य १ लाख ८६ हजार रुपैयाँमा प्रवेश गरेको थियो ।
यता, मंगलबार चाँदीको भाउ पनि तोलामा १५ रुपैयाँले घटेर १९ सय ४५ रुपैयाँ कायम भएको छ । यसअघि आइतबार चाँदीको भाउ तोलाको १९ सय ६० रुपैयाँ कायम रहेको थियो ।
