काठमाडौँ, चैत २६ । चैत २२ गतेबाट घट्न थालको सुनको ओरालो यात्रा आजपनि कायम रहेको छ । मंगलबार घरेलु बजारमा सुनको मूल्य प्रतितोला ४ सय रुपैयाँले घटेको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ७३ हजार ४ सय रुपैयाँमा कारोबार भईरहेको छ ।
अघिल्लो दिन सुनको मूल्य प्रतितोला १ लाख ७३ हजार ८ सय रुपैयाँ कायम थियो । सो दिन सुनको भाउ ७ सय रुपैयाँले घटेको थियो ।
गत चैत २१ गते सुनको मूल्य प्रतितोला १ लाख ८० हजार ३ सय रुपैयाँ पुग्दै हालसम्मकै उच्च कायम भएको थियो । त्यसयता सुनको मूल्य निरन्तर घटिरहेको छ । आजको गिरावटसँगै सुनको मूल्य अल टाइम हाईको उचाईबाट ६ हजार ९ सय रुपैयाँले घटिसकेको छ । यससँगै सुनको मूल्य लगातार ४ दिन घटेको छ ।
आज चाँदीको मूल्य भने स्थिर रहेको छ । चाँदी आज प्रतितोला १ हजार ८३० रुपैयाँमा कारोबार भईरहेको छ ।
Published Date: 08 April 2025
