काठमाडौँ, चैत २६ । मंगलबार अन्तर्राष्ट्रिय बजारमा कच्चा तेलको मूल्य १ प्रतिशतभन्दा बढीले वृद्धि भएको छ ।
अमेरिकी ट्यारिफका कारण विश्व आर्थिक मन्दी आउने आँकलनका साथ विगत केही दिनदेखि निरन्तर खस्किरहेको कच्चा तेलको मूल्यमा आज भने सुधार आएको हो ।
आज डब्लूटीआई क्रुडको मूल्य १.५८ प्रतिशतले बढ्दै प्रतिब्यारेल ६१.६६ डलर कायम भएको छ ।
यस्तै ब्रेन्ट क्रुडको मूल्यपनि १.४८ प्रतिशतले वृद्धि हुँदै प्रतिब्यारेल ६५.१६ डलर पुगेको छ । सोमबार कच्चा तेलको मूल्य २ प्रतिशतले घटेको थियो ।
Published Date: 08 April 2025
