काठमाडौं, फागुन १ । प्रधानमन्त्री पुष्पकुमल दाहाल आज सुदूरपश्चिमको कैलाली र कञ्चनपुरका विभिन्न कार्यक्रममा सहभागी हुन धनगढी जादै छन् । प्रधानमन्त्रीमा नियुक्त भएपछि दाहाल आज (सोमबार) पहिलो पटक सुदूरपश्चिम जादै छन् ।
प्रधानमन्त्री प्रचण्ड आज बिहान नेपाली सेनाको जहाजबाट धनगढी जान लागेका हुन् । सुदूरपश्चिममा पुग्ने वित्तिकै प्रधानमन्त्रीले गेटा स्थित मेडिकल कलेजको निरीक्षण गर्ने कार्यक्रम तय भएको छ । त्यसपछि प्रधानमन्त्री महेन्द्रनगर प्रस्थान गर्नेछन । प्रधानमन्त्रीले सुख्खा बन्दरगाह,महाकाली पुल,महाकाली कोरिडोरको निरीक्षण अवलोकन गर्ने कार्यक्रम छ ।
नेकपा (माओवादी केन्द्र) का अध्यक्ष समेत रहका प्रधानमन्त्री दिउँसो जनयुद्ध दिवसको अवसरमा जिल्ला पार्टीले आयोजना गरेको कार्यक्रमलाई सम्बोधन गर्ने र त्यसपछि कञ्चनपुर महोत्सवमा सम्बोधन गर्ने कार्यक्रम रहेको छ । प्रधानमन्त्री आजै साँझ काठमाडौँ फर्किने कार्यक्रम छ ।
