भक्तपुर, चैत २ । भक्तपुर नगरपालिका वडा २ इन्द्रायणी पीठमा अवस्थित जेसीज् सेकेण्डरी स्कूलले एक दिने अभिभावक अभिमुखीकरण कार्यक्रम-२०८१ शनिबार सम्पन्न गरेको छ ।
विद्यार्थीहरूको पढाइसँगसँगै उनीहरूको चौतर्फी विकासका लागि विद्यालयले उक्त एक दिने अभिभावक अभिमुखीकरण कार्यक्रम ECEC को प्राविधिक सहयोगमा गरिएको हो ।
सो अभिभावक अभिमुखीकरण कार्यक्रममा उपस्थित सम्पूर्ण अभिभावकलाई आ आफ्नो बालबालिका को सर्वाङ्गिण विकासका लागि ध्यान दिनु पर्ने विभिन्न पक्षहरुका बारेमा चर्चा गरिएको थियो ।
उक्त कार्यक्रममा विद्यालयमा अध्ययनरत कक्षा नर्सरी, जेकेजी, एसकेजीका विद्यार्थीहरुका अभिभावकहरुको उल्लेखनीय सहभागिता रहेको कुरा विद्यालयका प्रिन्सिपल जय राम गोर्खालीले आइकन खबरलाई जानकारी दिए ।
