काठमाडौँ, फागुन १२ । राष्ट्रिय गौरवका आयोजना काठमाण्डौ–तराई मधेस द्रुतमार्गको भौतिक प्रगति ३८.२६ र वित्तीय प्रगति ३९.८४ प्रतिशत रहेको छ । नेपाली सेनाले पत्रकार सम्मेलन आयोजना गरी यस्तो जानकारी दिएको हो ।
उक्त सम्मेलनमा करिब ७१ किमी दूरीको आयोजना अन्तर्गत सात सुरुङमध्ये दुईवटा ‘ब्रेक थ्रू’ भइसकेका र दुईवटा निर्माणाधीन रहेको समेत जनाइएको छ ।
अन्य तीनवटा सुरुङको डिजाइन तथा पूर्वतयारीका कार्य भइरहेको जनाइएको छ । तर आयोजनाको प्रस्थान विन्दु खोकनामा जग्गा प्राप्ति सम्बन्धी विवाद अझै टुङ्गि सकेको छैन । नेपाली सेनाले आगामी २०८३ चैत मसान्तसम्ममा आयोजनाको काम सम्पन्न गर्ने लक्ष्य लिएको छ ।
यसैगरी सैनिक कल्याणकारी कोषको रकम ८७ अर्ब एक करोड रुपैयाँ पुगेको जानकारी दिइएको छ । कोषको स्थापना २०३२ सालमा गरिएको हो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
