काठमाडौं, माघ २९ । रिडी पावर कम्पनी लिमिटेडको २१औं वार्षिक साधारण सभा आइतबार सम्पन्न भएको छ । इन्द्रेणी कम्प्लेक्स नयाँ बानेश्वर काठमांडौमा सम्पन्न भएको साधारणसभाले आर्थिक वर्ष ७८/७९ को मुनाफाबाट कम्पनीका सेयरधनीहरुलाई चुक्ता पुँजीको ४० प्रतिशत बोनस सेयर र कर प्रयोजनका लागि २.१० प्रतिशत नगद गरी कुल ४२.१० प्रतिशत लाभांश वितरण गर्ने प्रस्ताव पारित गरेको छ ।
यसै गरि रिडी कम्पनीलेसाझा पावर डेभलपमेन्ट कम्पनी प्रा.लि. मार्फत सिन्धुपाल्चोक जिल्लाको बलेफि गाउँपालिकामा बलेफिखोलामा २० मेगावाट क्षमताको तल्लो बलेफि आयोजना निर्माण गर्न उक्त कम्पनीको शेयर खरिद गर्ने प्रस्ताव पारित भएको छ ।
कम्पनीले आगामी दिन जलाशय प्रकृतिका नयाँ आयोजनाहरुको खोजि गरी पिकिंङ समयको लागि विद्युत आपूर्ति गर्ने उद्देश्य लिई आयोजनाहरुको खोजि कार्य भइरेको र अन्य कम्पनीले सञ्चालन गरेको आयोजनाहरुलाई मर्जर मार्फत आकर्षण गर्ने नीति अवलम्बन गरेको छ ।
