काठमाडौं, माघ २७ । आइतबार नेप्से परिसूचक ११.४९ विन्दुले घटेर २६८८.३१ अंकमा आएको छ ।
आज ८ अर्ब ३८ करोड रुपैयाँभन्दा बढीको सेयर कारोबार भएको छ । २ वटा कम्पनीमा सकारात्मक सर्किट लागेका छन् । ४ वटा समूहका सूचक सकारात्मक देखिएका छन् ।
आज ३०५ कम्पनीको १ करोड ५८ लाखभन्दा बढी कित्ता सेयर कारोबार भएको छ । ३१ करोड १६ लाखभन्दा बढीसहित कारोबार रकममा एनआरएन इन्फ्रास्टक्चर अग्रस्थानमा रहेको छ ।
यसैगरी, दोस्रो र तेस्रो स्थानमा क्रमशः सीइडीबी होल्डिङस र सेन्ट्रल फाइनान्स परेका छन् ।
