काठमाडौं, माघ २१ । आज (माघ २१ गते) देखि ८ दिनसम्म काठमाडौंका विभिन्न स्थानमा विद्युत आपूर्ति अवरुद्ध हुने भएको छ । नेपाल विद्युत प्राधिकरणले वितरण लाइन भूमिगत गर्ने कार्यका लागि आजदेखि माघ २९ गतेसम्म काडमाडौं केही ठाउँमा विद्युत सेवा बन्द गर्न लागेको जनाएको छ ।
यी स्थानमा बिहान ११ बजेदेखि दिउँसो ४ बजेसम्म विद्युत् आपूर्ति बन्द हुने प्राधिकरणले जनाएको छ । जसमा आज पहिलो दिन टंगाल र नक्साल फिडर (बानेश्वर) बाट वितरण भएको विद्युत् सेवा अवरुद्ध हुनेछ । भत्केकोपुल चाबहिल वरपरका क्षेत्रमा आज विद्युत् सेवा उपलब्ध हुने छैन ।
