काठमाडौं, माघ १५ । मंगलबार नेप्से परिसूचक २४.५० विन्दुले बढेर २६५७.७७ अंकमा आएको छ ।
आज ९ अर्ब ४० करोड रुपैयाँभन्दा बढीको सेयर कारोबार भएको छ । ६ वटा कम्पनी सकारात्मक सर्किट लेबलमा कारोबार भएका छन् । सबै समूहका सूचक बढेका छन् । विकास बैंक समूहमा सबैभन्दा बढी वृद्धि भएको छ ।
नेप्से सूचकसँगै औसतमा कारोबार रकम पनि राम्रो रहेको छ । अहिले नेप्से २६ सयको तहमा छ । यो लेबलमा आएपछि पनि नेप्से पटकपटक करेक्सन र साइडवेजमा रहेको पाइन्छ ।
आज ३ सय २५ कम्पनीको १ करोड ९६ लाखभन्दा बढी कित्ता सेयर कारोबार भएको छ । कारोबार रकममा ३८ करोड २१ लाखभन्दा बढीसहित सप्तकोशी डेभलमेन्ट बैंक अग्रस्थानमा रहेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
