काठमाडौं, माघ ७ । पुस मसान्तसम्म आइपुग्दा वाणिज्य बैंकहरुले २७ अर्ब ४३ करोड ६९ लाख ९६ हजार रुपैयाँ खुद नाफा कमाएका छन् । अघिल्लो वर्षको तुलनामा बैंकहरुको नाफा ४.६२ प्रतिशतले घटेको हो । २०८० को पुस मसान्तसम्ममा वाणिज्य बैंकहरुले २८ अर्ब ७६ करोड ५२ लाख रुपैयाँ खुद नाफा कमाएका थिए ।
यसअवधिमा सबैभन्दा धेरै नाफा कमाउनेमा नबिल बैंक रहेको छ । यसले ३ अर्ब २४ करोड रुपैयाँ नाफा कमाएको छ । ग्लोबल आइएमईले ३ अर्ब ५ करोड रुपैयाँ नाफा कमाएको छ । नेपाल इनभेष्टमेन्ट मेगा, एभरेष्ट र एनएमबि बैंकले २ अर्ब भन्दा धेरै नाफा कमाएका छन् । १ वर्षको अवधिमा ११ बैंकको नाफा बढेको छ भने ९ बैंकको घटेको छ ।
खराब कर्जा अनुपात बढ्दा बैंकहरुको नाफा सामान्य प्रभावित भएको हो । खराब कर्जाबापतको रकम प्रोभिजन गर्नुपर्ने भएकाले नाफामा यसले असर पार्छ । यद्यपि, बैंकहरुको खराब कर्जा समग्रमा भने यसअघि अनुमान गरिएभन्दा निकै कम देखिएको छ ।
Published Date: 20 January 2025
