काठमाडौँ, पुस १८ । घरेलु बजारमा आज सुनको मूल्य वृद्धि भएको छ ।
अघिल्लो दिन १४ सय रुपैयाँले बढेको सुनको मूल्य आज पनि बढेको हो । नेपाल सुनचाँदी व्यवसायी महासंघका अनुसार आज सुनको मूल्य ५ सय रुपैयाँले बढ्दै प्रतितोला १ लाख ५१ हजार ५ सय रुपैयाँ निर्धारण भएको छ ।
अघिल्लो दिन सुनको मूल्य प्रतितोला १ लाख ५१ हजार रुपैयाँमा कारोबार भएको थियो । सुनसँगै आज चाँदीको भाउ पनि बढेको छ । चाँदीको मूल्य आज २५ रुपैयाँले बढ्दै प्रतितोला १ हजार ७९० रुपैयाँमा कारोबार भईरहेको छ ।
Published Date: 02 January 2025
