काठमाडौँ, पुस १८ । इंग्लिस प्रिमियर लिगमा आर्सनलले ब्रेन्टफर्डमाथि जित हासिल गरेको छ । ब्रेन्टफोर्डको घरेलु मैदानमा बुधवार आर्सनल ३-१ को जितका साथ अंक तालिकाको दोस्रो स्थानमा उक्लिएको हो ।
आर्सनलको जितमा ग्राव्रियल जिसस, ग्रावियल मार्टिनेल र मिकेली मारोनोले समान एक गोल गरे । घरेलु टोलीका लागि वार्यन मेमिउनोले सान्त्वना गोल फर्काए ।
खेलमा सुरुवाती अग्रता भने ब्रेन्टफोर्डले लिएको थियो । खेलको १३औं मिनेटमा ब्रेन्टफोर्डका लागि वायर्नले गोल गरे । खेलको २९औं मिनेटमा आर्सनलका जिससले बराबरी गोल फर्काए । पहिलो हाफ १-१ को बराबरीमा सकियो ।
खेलको ५०औं मिनेटमा मारोनोले गोल गर्दै आर्सनललाई २-१ को अग्रता दिलाए । त्यसको तीन मिनेट पछि गोल थप्दै मार्टिनेलले आर्सनललाई जित दिलाए ।
जितसँगै १९ खेलमा ३९ अंक बनाएको आर्सनल दोस्रो स्थानमा उक्लिएको छ । एक खेल कम खेलेको शीर्ष स्थानको लिभरपुलको भन्दा आर्सनल ६ अंक पछाडि छ । ब्रेन्टफोर्ड १९ खेलमा २४ अंकका साथ १२औं स्थानमा छ ।
Published Date: 02 January 2025
