काठमाडौं, पुस १७ । बुधबार नेप्से परिसूचक ५.१० विन्दुले बढेर २५८१.६० अंकमा आएको छ ।
आज ३ अर्ब ५९ करोड रुपैयाँभन्दा बढीको सेयर कारोबार भएको छ । २ कम्पनी सकारात्मक सर्किट लेबलमा कारोबार भएका छन् । ८ वटा समूहका सूचक बढेका छन् । फाइनान्स समूह सबैभन्दा बढी बढेको छ । सूचक सामान्य बढ्दा कारोबार रकम भने खुम्चिएको छ ।
आज ३०५ कम्पनीको ९४ लाख ३४ हजारभन्दा बढी कित्ता सेयर कारोबार भएको छ । २१ लाख ८२ हजार रुपैयाँभन्दा बढीसहित कारोबार रकममा एनआरएन इन्फ्रास्टक्चर एन्ड डेभलपमेन्ट कम्पनी अग्रस्थानमा छ ।
यसैगरी, दोस्रो र तेस्रो स्थानमा क्रमशः जानकी फाइनान्स र त्रिशुली जलविद्युत कम्पनी परेका छन् ।
