काठमाडौं, पुस १६ । मंगलबार नेप्से परिसूचक ३३.०८ विन्दुले घटेर २५७६.५० अंकमा अडिएको छ ।
आज बजारमा दोहोरो अंकको ह्रास आउँदा नेप्से सूचक पुनः २५ सयको लाइनमा झरेको हो । आज ५ अर्ब ६७ करोड रुपैयाँभन्दा बढीको सेयर कारोबार भएको छ । अन्य बाहेक बाँकी सबै समूहका सूचक घटेका छन् । फाइनान्स समूहमा सबैभन्दा बढी ह्रास देखिएको छ ।
आज ३०८ कम्पनीको १ करोड ३१ लाखभन्दा बढी कित्ता सेयर कारोबार भएको छ । ३५ करोड ९४ लाख रुपैयाँभन्दा बढीसहित कारोबार रकममा प्रभु बैंक अग्रस्थानमा छ ।
