काठमाडौँ, मंसिर १८ । नेपालमा जाडो मौसम सुरु भएको छ । यो वर्षको जाडोयाममा औसतभन्दा बढी नै तापक्रम रहने प्रारम्भिक अनुमान गरिएको छ ।
जाडो समयमा तापक्रमको अवस्था कस्तो हुने भनेर विश्लेषण आफूहरूले गरिरहेको जल तथा मौसम विज्ञान विभाग, हावापानी विश्लेषण शाखाका प्रवक्ता विभूति पोखरेलले बताइन् । उनले मौसम केही सुख्खा रहने देखिएको रातोपाटीलाई बताइन् ।
सुख्खा हुने भन्नुको अर्थ औसतभन्दा केही बढी नै तापक्रम रहनु भनेर उनले प्रस्ट पारिन् । ‘अनुमान लगभग गरिसकेको छौँ, तर सार्वजनिक पछि गर्छौँ, प्रादेशिक तथ्याङ्कहरू सङ्कलन गर्दैछौँ,’ उनले भनिन्, ‘यो वर्ष तापक्रम पहिलेभन्दा बढी रहने नै देखिन्छ । मौसम सुख्खा रहने भएकाले तापक्रम बढ्ने नै अनुमान लगाउन सकिन्छ । हामीले विस्तृतरुपमा केही समयपछि सार्वजनिक गर्छौँ ।
तापक्रम बढी रहने भए पनि चिसो नै नहुने भन्ने चाहिँ नहुने प्रवक्ता पोखरेलको भनाई छ । ‘तर अत्यधिक चिसो हुँदैन,’ उनले भनिन् ।
