काठमाडौं, मंसिर १७ । काठमाडौं सहर विश्वका बढी वायु प्रदूषित सहरमध्ये पाँचौं स्थानमा परेको छ । सोमबार बिहान १०ः०७ बजे काठमाडौंको एयर क्वालिटी इन्डेक्स (एक्यूआई) १७८ पुगेको छ । आज सबैभन्दा धेरै पकिस्तानको लाहोर सहर वायु प्रदूषणको १ नम्बरमा परेको छ ।
लाहोरको एयर क्वालिटी इन्डेक्स (एक्यूआई) ३०४ पुगेको छ । दोस्रो नम्बरमा भारतको दिल्ली छ । यहाँको एयर क्वालिटी इन्डेक्स (एक्यूआई) २५० पुगेको छ । विश्व स्वास्थ्य संगठनको मापदण्डअनुसार एक्यूआई ३५ भन्दा कम हुनुपर्छ । ५० एक्यूआई सम्मलाई सामान्य मानिन्छ ।
त्यसभन्दा माथिको गुणस्तर एक्यूआई अस्वस्थकर हुने चिकित्सकको भनाइ छ । वायु प्रदूषणका कारणले फोक्सोमा क्यान्सर, मुटुसम्बन्धी रोग, मस्तिष्कघात, हृदयघात जस्ता समस्या देखिने भएकोले सजग रहन विज्ञहरुले आग्रह गर्ने गरेका छन् ।
Published Date: 02 December 2024
